ҰБТ 2026 спецификациясы
Қазақ әдебиеті (оқыту қазақ тілінде емес): ҰБТ тест спецификациясы
ҰТО-ның ресми құжаты. Дереккөз — testcenter.kz, «2026 жылдан бастап қолдану үшін» нұсқасы.
Мәтін түпнұсқадан өзгертусіз терілді; айырмашылық болса, түпнұсқа дұрыс.
Өзіңді тексер
Қазақ әдебиеті бойынша тест
Тегін · тіркелусіз · 40 тапсырма · 80 минут
Байқау ҰБТ-ны тегін өту3 байқау тіркелусіз
Пән беті: Қазақ әдебиеті (оқыту қазақ тілінде емес) ҰБТ-даТест мақсаты
Жоғары және (немесе) жоғары оқу орнынан кейінгі білім беру ұйымдарына қабылдау мақсатында түсушілердің дайындық деңгейлерін анықтау.
Тест міндеті
Жоғары және (немесе) жоғары оқу орнынан кейінгі білім беру ұйымдарында білім алуды жалғастыру үшін қазақ әдебиеті пәнінен білімді меңгеру деңгейін бағалау.
Тест құрамы
Тест қазақ әдебиеті бойынша 40 тест тапсырмасынан тұрады. Оның ішінде:
- 25 бір дұрыс жауапты таңдауға арналған тест тапсырмалары
- 5 бір дұрыс жауапты таңдауға арналған тест тапсырмаларынан тұратын 1 контекст
- 5 бір немесе бірнеше дұрыс жауапты таңдауға арналған тест тапсырмалары
- 5 сәйкестікті анықтауға арналған тест тапсырмалары бар
Бөлімдер мен тақырыптар
| 01 Ежелгі дәуір әдебиеті және халық ауыз әдебиеті | |
|---|---|
| 01 | «Күлтегін» жыры, «Қозы Көрпеш – Баян сұлу» жыры (үзінді) |
| 02 | Тұмар ханшайым туралы аңыз, «Ең үлкен байлық» ертегісі |
| 03 | Жұлдыздар туралы аңыздар, ертегілер. Жан-жануарлар туралы ертегілер |
| 02 ХІХ ғасыр әдебиеті | |
| 04 | Абай Құнанбаев Табиғат лирикасы, «Сағаттың шықылдағы емес ермек», «Базарға қарап тұрсам әркім барар», «Адамның кейбір кездері», |
| 05 | Ы.Алтынсарин «Дүние қалай етсең табылады?», «Атымтай жомарт» |
| 06 | Ш.Уәлиханов «Жоңғария очерктері» |
| 03 ХХ ғасырдың І жартысындағы әдебиет | |
| 07 | Ақан сері «Жігіт сипаты», «Қыз сипаты» М. Жұмабаев «Қазақ тілі», «Мен жастарға сенемін» өлеңдері |
| 08 | І. Жансүгіров «Күйші» поэмасы (үзінді), «Күй» поэмасы, «Жетісу суреттері» |
| 09 | Ж. Аймауытов «Әнші» әңгімесі |
| 10 | С. Сейфуллин «Көкшетау» поэмасы |
| 04 ХХ ғасырдың ІІ жартысындағы әдебиет | |
| 11 | Ә. Нұрпейісов «Қан мен тер» романы Д. Исабеков «Әпке» драмасы |
| 12 | М.Әуезов «Абай жолы» романы, «Қайтқанда» тарауы, «Көксерек» |
| 13 | Ғ.Мүсірепов «Қазақ солдаты» романы Ғ.Мұстафин «Қарағанды», «Шығанақ» романдары (үзінді) |
| 14 | Т. Айбергенов «Бір тойым бар», М. Мақатаев «Наурыз», «Ертең біз жол жүреміз», «Сағатым қайда, сағатым?», «Тоқта, ботам!» өлеңі Ф.Оңғарсынова «Оюлар» өлеңі |
| 15 | І. Есенберлин «Көшпенділер» Ә.Нұршайықов «Аңыз бен ақиқат» (үзінді) |
| 16 | С.Мұқанов «Саятшы Ораз» әңгімесі Қ. Аманжолов «Жас дәурен» Т. Әлімқұлов «Қараой» әңгімесі |
| 17 | М.Мағауин «Бір атаның балалары», Қ. Жұмаділов «Қаздар қайтып барады» |
| 18 | С. Мұратбеков «Телі өскен ұл» повесі, «Жусан иісі» О. Бөкей «Апамның астауы» әңгімесі |
| 19 | Б. Соқпақбаев «Он алты жасар чемпион» әңгімесі М. Шаханов «Өркениеттің адасуы» романынан үзінді, «Компьютер басты жарты адамдар» |
| 05 Қазіргі заман әдебиеті | |
| 20 | Болат Ұзақов «Жантаза» Болат Жотақажы Бопайұлы «Қазақы наурызнама» (үзінді) Нұртөре Жүсіп «Қыран қазақ» (деректі әңгіме) Дидахмет Әшімханов «Бес арыс» кітабынан үзінді |
| 21 | Гауһар Сейітжан «Қара алтыны халқымның ...» Қ. Мырзалиев «Аралым» өлеңі Әкім Ысқақ «Күн ұлымын» Жүніс Сахиев «Уақыт қайтарымы», Медеу Сәрсеке «Жетінші толқын» |
| 22 | Тынымбай Нұрмағанбетов «Он төрт жасар жігіт» Талаптан Сұлтанбеков «Ғажайып планета» әңгімесі (үзінді) Ермек Өтетілеуұлы «Ата Заң» |
| 23 | Балғабек Қыдырбекұлы «Теміржолшы» Думан Рамазан «Соңғы дем» әңгімесі Жанболат Ауыпбаев «Диктор» деректі әңгімесі Қайнар Олжай «Жер мен аспан арасындағы дастан» кітабы |
| 24 | Ұлықбек Есдәулет «Қара пима» поэмасы Бауыржан Омарұлы «Сапардың сырлы сәттері» Ерболат Әбікенұлы «Пәтер іздеп жүр едік» әңгімесі |
| 25 | Дүкенбай Досжан «Төрт патшаны көрген кейуана» хикаяты Сәбит Оразбай «Өмірдің өзі театр» әңгімесі, Айбатыр Сейтақ «Азат елдің ар-намысы – Ата Заң» |
| 26 | Өтебай Тұрманжанов «Қарлығаш, дәуіт, жылан» Дүкенбай Досжан «Жібек жолы» романы (үзінді) Гүлнар Жұмабайқызы «Ел тірегі - экономика» |
| 06 Шет ел әдебиеті | |
| 27 | Шыңғыс Айтматов «Ана – Жер Ана», «Кассандра таңбасы», «Найман ана» |
| 28 | Даниэль Дефо «Робинзон Крузо» романы (үзінді) |
| 29 | Айзек Азимов «Мен - роботпын» жинағынан үзінді |
| 30 | Майкл Х. Харт «100 ұлы адам» атты кiтабынан - «Альберт Эйнштейн», Дениз Райан «Ақпарат және байланыс», «Ауа райы» |
| 07 Көркем шығарма үзіндісімен жұмыс | |
| 31 | Мәтінмен жұмыс |
Қиындық деңгейлері
Тесттегі тест тапсырмаларының қиындығы үш деңгейде берілген: базалық деңгейде (А) – 50 %, орташа деңгейде В – 30 %, жоғары деңгейде С – 20 %.
- A
- Базалық деңгейдегі тест тапсырмалары қарапайым білім мен дағдыларын пайдалануға, түсушінің ең төменгі дайындық деңгейіне баға беруге, белгілі бір нұсқаулардың көмегімен әрекеттерді орындауға, қарапайым дәлелдер мен ұғымдарды пайдалануға негізделген.
- B
- Орташа деңгейдегі тест тапсырмалары негізгі білім мен дағдыларын дұрыс пайдалануға, жаңа жағдайларда қарапайым модельдерді тануға, деректерді талдау мен салыстыруға, жүйелеуге, дәлелдерді қолданып, ақпаратты жалпылау мен қорытынды жасау қабілеттерін бағалауға негізделген.
- C
- Жоғары деңгейдегі тест тапсырмалары неғұрлым күрделі білім мен дағдыларын пайдалануды, тапсырмалардың күрделі модельдерін тануды, мәселелерді шешу үшін білім мен дағдыларын біріктіруді, күрделі ақпаратты немесе деректерді талдауды, пайымдауды, тұжырымдарды негіздеуге бағытталған.
Орындау уақыты
Тест тапсырмасының орындалу уақытының орташа ұзақтығы – 2 минутты құрайды.